जापानमा ४ लाख मानिसलाई घर छोड्न आदेश

३० असार, एजेन्सी । जापानको दक्षिण-पश्चिम क्षेत्रका करिब ४ लाख मानिसलाई घर छोड्न आदेश दिइएको छ । लगातारको वर्षाका कारण क्युसु क्षेत्रमा डुवान, बाढी पहिरोको खतरा बढ्दै गएको भन्दै ती मानिसलाई उक्त क्षेत्र छोड्न आग्रह गरिएको सञ्चारमाध्यमहरुले जनाएका छन् ।
लगातार तेस्रो दिनसम्म परेको वर्षाका कारण त्यहाँ करिव २९ मानिस हराइरहेका छन् । जापानको मौसमी विभागले त्यहाँ अझै बाढी, पहिरो आउन सक्ने अनुमान गरेका छन् । उनीहरूले एक घण्टामा करिब ११ सेन्टिमिटरसम्मको पानी मापन गरिएकाले उक्त क्षेत्रमा थपइ क्षति गर्न सक्ने भन्दै त्यहाँका मानिसलाई सुरक्षित स्थानमा सर्न आग्रह गरेका हुन् ।
क्युसुको उत्तरी क्षेत्रमा खोलाको बाधँहरु भत्किएकाले थप त्यसले थप विनास गर्ने भन्दै त्यहाँ रहेका करिब २ लाख ६० हजार मानिसलाई उक्त ठाउँ खाली गर्न आग्रह गरिएको छ भने सम्भावित खतरालाई मध्यनजर गर्दै १ लाख ४० हजार मानिसलाई भने सुरक्षित स्थानमा जान आग्रह गरिएको छ ।
जापानमा क्युशुमा बाढी, कम्तिमा १९ को मृत्यु (फोटो फिचरसहित)
टोक्यो । जापानको दक्षिण पश्चिममा पर्ने क्युसु क्षेत्रमा भारी वर्षापछि आएको भिषण वाढिमा परि कम्तिमा १९ जनाको मृत्यु भएको छ । बाढीमा परि अन्य ८ जना हराइरहेको छन् । उत्तरी क्युशुको कुमामोटो र आइटामा वर्षापछि आएको वाढिमा परि उनीहरुको मृत्यु भएको हो । बाढीका कारण शहर र गाउँवस्ती डुबानमा परेका छन् । सो क्षेत्रमा बसोवास गर्ने करिव ५० हजार स्थानीयबासी प्रवाभिवत हुन सक्ने भन्दै सरकारले सुरक्षित स्थानतर्फ सर्न भनेको छ
हराइरहेका ८ जनाको प्रहरीले खोजी गरीरहेको वताइएको छ । विहावार विहान देखि परेको अविरल वर्षाका कारण वाढिमा परी मृत्यु हुनेहरुको संख्या वढ्न सक्ने अनुमान गरिएको छ । वाढीले विचल्लीमा परेकाहरुलाई सुरक्षित स्थानतर्फ सार्ने काम सुरु गरिएको जापानी सञ्चामाध्यमहरुले जनाएका छन् । जापानको मौसम विभागका अनुसार शुक्रवारवाट झन भारी वर्षा हुने अनुमान गरेको छ ।

Category: Top, World