२८ माघ, काठमाडौं ।  अमेरिकी सेनाको एक टोली शनिबार नेपाल आएको छ । युएस आर्मी अलास्काका कमाण्डिङ जनरल मेजर जनरल मिखायल ग्यारेटको नेतृत्वमा नेपाल आएको टोलीले आइतबार जंगी अड्डामा प्रधानसेनापति गौरबसमशेर जबरासँग भेटघाट गरेको छ ।

ग्यारेटकोे टोलीले जंगी अड्डामा प्रधानसेनापतिका साथै बलाधिकृत रथी, व्यवस्था तथा युद्धकार्य महानिर्देशक र सैनिक विनय महानिर्देशकसंग समेत जंगी अड्डामा भेट गरेको नेपाली सेनाले जनाएको छ ।