श्री स्वस्थानी ब्रतकथा आज समापन हुँदैछ

पौष शुक्ल पूर्णिमादेखी सुरु भएको श्री स्वस्थानी ब्रतकथा आज समापन हुँदैछ । एक महिनाको अवधिमा विशेष गरी अविवाहित महिलाहरुले श्री स्वस्थानीको ब्रत लिंदा महिलाहरु पौष शुल्क पूर्णिमाका दिन देखि माघ शुल्क पूर्णिमाका दिनसम्म १ महिना ब्रत लिने गर्छन् । ब्रत समापनको शिलसिलामा शालीनदीमा आइतबार देखि नै महिलाहरुको निकै घुइचो लागेको छ । यसै अवसरमा शालीनदीमा मेला पनि लाग्ने गर्दछ । परिवारमा सुख, शान्ति र समृद्धिको कामना गर्दै महिलाहरु १ महिना देखि यो ब्रत लिने गर्छन् । यसैगरि महिलाहरुले विशेषगरि श्रीमान्को सुस्वास्थ्य र दिर्धायूको कामना गर्दै यो ब्रत लिने गर्छन् । अविवाहीत महिलाहरुले भने राम्रो श्रीमान् पाउने आशामा यो ब्रत लिने गर्छन् । श्री स्वस्थानीको ब्रतकथामा हिमालय पुत्री पार्वतीले महादेव पती पाउनाका लागि ब्रत लिएको कुरा उल्लेख छ । (src. dcnepal)

Category: News