ब्यापारीले सैनिकको श्रीमतीलाई म्यासेज पठाएपछि हनुमान ढोका पुगे

ठमेल टोपी ब्यापारीले सैनिकको श्रीमतीलाई SMS पठाए नेपाली सेनाकी पत्नीलाई अश्लील गाली गलौज गर्दै मोबाइलबाट म्यासेज पठाउने एक पुरुषलाई हनुमानढोका प्रहरीले पक्राउ गरेको छ । पक्राउ पर्नेमा नुवाकोट निवासी ४१ वर्षीय श्रीकृष्ण थपलिया छन् । ठमेलमा टोपी व्यापार गर्ने थपलिया रानीबारीमा डेरा बस्थे । उनलाई प्रहरीले मंगलबार पक्राउ गरेको हो । थपलियाको मोबाइल नम्बरका आधारमा प्रहरी उनीसमक्ष पुगेको हो । अर्कैको नाममा निकाएको सिमकार्ड प्रयोग गरी उनले एक सैनिककी पत्नीलाई अश्लील शब्दहरु प्रयोग गर्दै हात खुट्टा काटेर घरको गेटमा मारेर फाल्ने र छोराछोरी टुहुरा बनाइदिने एसएमएस पठाएका थिए । एसएमएसमा उनले ती महिलालाई ‘ढुकुटी खेलेर सबैलाई डुबाएको’ आरोपसमेत लगाएका थिए । मोवाइलका आधारमा पक्राउ परेपछि थपलियाले प्रहरीसमक्ष अरुको कुरा सुनेर यस्तो कार्य गरेको कताएका छन् । बुधबार हनुमान ढोकामा उनले महिलासँग माफीसमेत मागेका छन् भने प्रहरीले पनि मुद्दा मामिला गर्दा अप्ठ्यारो हुने भन्दै एकपटकलाई छाडिदिन सैनिक पत्नीसँग आग्रह गरेको स्रोत बताउँछ । तर, पीडितले भने आफ्नो चरित्र हत्या गरेको मार्ने धम्की दिएकाले उनीमाथि कानूनी कारवाही हुनुपर्ने माग गरेकी छन् ।

Category: interesting, News