१६ साउन, काठमाडौं । बुधबार नेपाली बजारमा सुनको भाउ तोलामा १ हजार ३ सय रुपैयाँ बढेको छ । अन्तर्राष्ट्रिय बजारमा सुनको भाउ बढेपछि नेपाली बजारमा पनि सुनको भाउ बढ्न गएको हो । नेपाल सुनचाँदी व्यवसायी महासंघले बुधबारका लागि छापावाला सुनको मूल्य तोलाको ५३ हजार ९ सय रुपैयाँ तोकेकोक छ । मंगलबार छापावाला सुनको भाउ ३ सय रुपैयाँले बढेर ५२ हजार ६ सय रुपैयाँमा कारोबार भएको थियो ।

त्यसैगरि, बुधबार तेजाबी सुन तोलामा १ हजार ३ सय रुपैयाँले बढेर ५३ हजार ६ सय ५० रुपैयाँमा कारोबार भइरहेको छ । मंगलबार तेजाबी सुन तोलाको ५२ हजार ३ सय ५० रुपैयाँमा कारोबार भएको थियो । केही महिना अगाडी घटेर तोलाको ४८ हजार रुपैयाँ वरिपरि पुगेको सुन विस्तारै महंगिएर ५४ हजार रुपैयाँ नजिक पुगेको हो ।

बुधबार चाँदीको भाउ पनि तोलामा १५ रुपैयाँ बढेर ८ सय ४० रुपैयाँ पुगेको छ । मंगलबार चाँदी तोलामा ६ रुपैयाँ बढेर ८ सय २५ रुपैयाँमा करोबार भएको थियो ।